பூமியை புகைப்படம் எடுத்தபடி
தன் கருநீலச் சீருடையை
அணிகிறது வானம்
தன்னையும் எடுக்கும்படி
விதவிதமான​​
தோரணைகளை வெளிப்படுத்தியது
ஒற்றை ஆண் மயில்
காற்றின் அசைவுகளுக்கு
தலையாட்டும் மரமாக​​
நான் மாறியிருந்தேன்
தான் ஆடாவிட்டாலும்
தன் தசை ஆடத்தானே செய்யும்.

அவன் எளிதில் தூரத்து நாடுகளுக்குப் பயணிப்பான்
கடலொன்றும் பொருட்டல்ல
சில நாடுகள் சாமானியனால்
செல்ல முடியாதவை,​​
சில அவனாகவே உருவாக்கியவை.

குந்திட்டு அவன் வரைந்த சிறிய உலக வரைபடத்தில் இவ்வுலகத்தின்
அழகு மெருகேறியிருந்தது.

அவனோடு பயணித்த
குச்சிக்கு
வழிவிட்டு நின்றன
ஆழிமணலின் சிறிய கற்கள்.