அதிகாரநந்தி

புலியின் வாயில் – ராண்டோ

 

புலியின் வாயில் சிக்கிய முள்கரண்டி.
வாய்மூட முடியாதபடி படுவேதனை.
மரத்தடியில் இளைப்பாறிய புலி
சங்கடவிழிகள் மின்னுவதை
ஊரார் கண்டனர்.

அன்று ஒரு நாளைக்கு
அடர்கானகம் சற்றே தளர்ந்தது.

நீர் சொட்டி சடைதரித்த
பக்கத்து காட்டுப் புனுகுப்பூனை
அடங்கமாட்டாமல் சிரித்தது.

தலையைத் தூக்கி முதலைகள் விசாரித்தன.
இளைய இருமுயல்கள்
சற்றே கூடிநின்று ஒளிமணி மூக்கு
சுழித்துச் சென்றன.

மரக்கிளைமேல் குரங்கு;புதர் மறைவில் மான்
ராச்சுற்றி திரும்பிய ஓநாய்.

சில நிமிட சிரிப்புக்குப்பின்
எல்லாவற்றுக்கும் ஒரே கேள்வி
மீதமிருக்கும் கேக் எங்கே?

(ரா கிரிதரன்) (more…)

Advertisements

யாருக்கோ

– அதிகாரநந்தி –

 

கீழே போய்க் கொண்டிருப்பதில் எனக்கும் சம்மதம்தான்
பார்த்ததையே பார்க்க வேண்டியிருக்கும்
இன்னும் மேலே போக வேண்டும்
உனக்கு இதெல்லாம் புரியுமா தெரியவில்லை
நாம் ஆசைப்பட்டதைத் தான் செய்யப்போகிறேன்

நாம் அறிந்த வழியில் அல்ல
எல்லோரும் இசைந்து இன்புற்று
நம்முடைய பாதையை விட்டு விலகிவிடுவார்கள்
என்பது முட்டாள்தனம்
வலி, தவிர்க்க முடியாததாகி விட்டது
மற்றவர்களுக்கும் எனக்கும்
நான் இன்னும் மேலே போக வேண்டும்
சுபிட்சத்திற்காக அல்ல
என்னைத் தெரிந்து கொள்வதற்காக
என் எல்லையைத் தெரிந்து கொள்வதற்காக

 

image credit: link2universe

எல்லைகளற்ற மனம்

– அதிகாரநந்தி –

கனவென்று ஒன்று
நிஜமென்று ஒன்று
நேற்று தச்சனாக இருந்தேன்
இன்று வீட்டுத் தோட்டம் போடுகிறேன்
நாளை ஆடுகள் வாங்குவேன்
பிறகு யானை வளர்ப்பு
சுய வரலாற்றுக்கு இவை போதுமில்லையா
குப்பைமேட்டில் விழுந்த பாகல் விதை
திசைகள் பாராது பரவி
தனக்குள்ளே சுற்றிக் கொண்டு நிற்கிறது

 

க்ருஹஸ்தன்

அதிகாரநந்தி

”என்னடி இன்னிக்கு உங்கப்பா வராறா?”

“இல்லையே.. ஏன்?”

“இல்ல விடியற போதே எழுந்து உக்காண்டிருக்கையே… கீழ போய்ப் பால் கூட வாங்கியிருக்க போல; இன்னிக்கு அந்தக் கடக்காரன் கேவலமா இளிக்கலையா?”

“இளிச்சான். ஆனா அவ்ளோ கேவலமா இல்லை”

“போகப் போக பழகிடும்”

“ஆம்பிளைங்க எல்லாம் இப்படி வழியாட்டா தான் என்ன?”

“உங்கப்பா கிட்ட போய்க் கேளு” (more…)

எங்கள் கூட்டம்

சாயங்களுக்கு ஏது விலை
கருப்போ
சிவப்போ
காவியோ
பச்சையோ
வேண்டியதை உண்மைகளுக்குப் பூசிவிட்டு
நாமும் ஒன்றைப் பூசிக் கொண்டுவிட்டால்
முடிந்தது வேலை
                                                           – அதிகாரநந்தி