“அவள் போன வருடம் இறந்துவிட்டாள்”
என்னுள் நீ என்றோ இறந்துவிட்டாய்
என்று நினைத்துக் கொண்டிருந்தேன்,
உன்னுள் நான் முழுவதும் இறந்து விட்டிருந்தேனா?
இனி அறிய முடியாது.
—- கல்லூரி செல்லும் வழியில் காத்திருந்து
பைவ் ஸ்டார் சாக்லேட் கொடுத்ததும்
வெட்கத்துடன் நீ அதை வாங்கியதும்
உன் சிறு புன்னகையும் —-
துவக்கங்கள் நினைவில் விரிய எனக்குப் புரிகிறது
மனதைத் தொட்ட எவரும் இறப்பதில்லை.
பதாகை 