– அதிகாரநந்தி –

கீழே போய்க் கொண்டிருப்பதில் எனக்கும் சம்மதம்தான்
பார்த்ததையே பார்க்க வேண்டியிருக்கும்
இன்னும் மேலே போக வேண்டும்
உனக்கு இதெல்லாம் புரியுமா தெரியவில்லை
நாம் ஆசைப்பட்டதைத் தான் செய்யப்போகிறேன்

நாம் அறிந்த வழியில் அல்ல
எல்லோரும் இசைந்து இன்புற்று
நம்முடைய பாதையை விட்டு விலகிவிடுவார்கள்
என்பது முட்டாள்தனம்
வலி, தவிர்க்க முடியாததாகி விட்டது
மற்றவர்களுக்கும் எனக்கும்
நான் இன்னும் மேலே போக வேண்டும்
சுபிட்சத்திற்காக அல்ல
என்னைத் தெரிந்து கொள்வதற்காக
என் எல்லையைத் தெரிந்து கொள்வதற்காக

image credit: link2universe