– ஹோவர்ட் ஆல்ட்மேன் –

 

வரலாறு நாற்காலியில் அமர்ந்திருக்கிறது,
ஜன்னல்களற்ற ஓர் அறையில்.
காலைகளில் கதவைத் தேடுகிறது,
மதியங்களில் தூங்கப் போகிறது.
சரியாக நள்ளிரவாகும்போது
சோம்பல் முறித்து பெருமூச்செறிகிறது.
காலம் காக்கிறது, காலம் தாழ்த்துகிறது,
தன் இடமறிந்தும் அறியாமலும் இருக்கிறது.
சிலவேளைகள் படிக்கட்டாகும் நாற்காலியை
சிலவேளை இல்லையென்று நம்புகிறது
மூலைகளின் பார்வையில் ஒன்றல்ல
பௌர்ணமி நிலவின்கீழ் அதுவாகவே அது இருக்கிறது.
வரலாறு நாற்காலியில் அமர்ந்திருக்கிறது,
எம் இல்லங்களின் மேல் ஓர் அறையில்

Source: Holding Posture by Howard Altmann