மழை நாளின் கொடுங் காற்று போல
நெடிய மௌனமொன்றை
விடுவித்த
முதற் சொல் போல
இடைவெளிகள் ஆக்கிரமித்த
நெருக்கத்தின் ஞாபகங்கள் போல
இதில்
எது போலவும் அல்ல
அது
தொன்நூறு நாட்கள் தாண்டியும்
குளிக்காமலும்
இடது காலில் மட்டும்
வலக்கால் செருப்போடும்
சட்டைக்கு மேல் சட்டை போட்டு
எங்கள் சந்தையில் அலையும்
ஒரே நாளில் பைத்தியங்களான
இரண்டு பைத்தியக்காரர்கள் போலவே
அது
பதாகை 