– எஸ். சுரேஷ் –

 

“எங்க போற?”

(more…)

 – எஸ். சுரேஷ் –

பாட்டியிடமிருந்து திருடிவந்த வடையை
வாயில் வைத்துக் கொண்டிருந்த காக்காவைப் பார்த்து
நரி கூறியது,
“நீ நன்றாய் பாடுவாயாமே. ஒரு பாட்டு பாடு கேட்கலாம்”

வடையைக் காலுக்கடியில் பத்திரமாக வைத்துவிட்டு
“போடா போடா புண்ணாக்கு, போடாத தப்புக்கணக்கு”
என்று காக்கா பாடி முடித்தப்பின் நரி,
“குரல் நன்றாக இருக்கிறது,
ஆனால் இன்னும் கொஞ்சம் எமோஷன் வேணும்,
வாய்ஸ்ல கூடுதலா டைனமிக்ஸ் வேணும்,
ரெகுலரா ப்ராக்டிஸ் பண்ணு”,
என்று கூறிவிட்டு
திராட்ஷை தோட்டத்திற்குள் சென்று மறைந்தது.

– எஸ். சுரேஷ் –

ஒரு கையில் கல்லும் மறு கையில் மைக்குமாய்
சொற்பொழிவாற்றிக் கொண்டிருந்தவனை நோக்கி,
அந்த பக்கம் வந்த குள்ள நரி,
“வணக்கம் வாத்யாரே. நல்லா கீரியா?
ஆசிரியர் தின வாழ்த்துகள். வர்ட்டா?”
என்று கேட்டுச் சென்றது.
“பாருடா, ஓல்ட் ஸ்டுடென்ட்ஸ் எல்லாம்
என்னை இன்னாமா ஞாபகம் வச்சிக்கினுகுறாங்கோ”
என்று கண்கள் கலங்க, நாத்தழுதழுக்க கூறினான்
அந்தப் பேச்சாளன்.

எஸ். சுரேஷ்

 

ராஜா வந்தார் ராஜா வந்தார் டும் டும் டும்
வந்தார் ராஜா வந்தார் ராஜா டும் டும் டும்
கையில் வாளெடுத்து வந்தார் ராஜா டும் டும் டும்
வாளெடுத்து வந்தார் ராஜா டும் டும் டும்
குதிரை மேலே ராஜா வந்தார் டும் டும் டும்
ராஜா வந்தார் குதிரை மேலே டும் டும் டும்
குதிரை இருந்தது ராஜா கீழே டும் டும் டும்
டும் டும் டும், ஆமாம் டும் டும் டும்

ராஜா கையில் வாள்
குதிரைக்குப் பின்னால் வால்
வாள் வாள் வாள்
வால் வால் வால்
டும் டும் டும், அட டும் டும் டும்

குதிரை மேலே காட்டுக்குள்ளே ராஜா போனார்
காட்டுக்குள்ளே குதிரை மேலே ராஜா போனார்
காட்டுக்குள்ளே குழியிருந்தது டும் டும் டும்
குழியிருந்தது காட்டுக்குள்ளே டும் டும் டும்
குழியிருந்தால் குதிரை விழும் டும் டும் டும்
குழிக்குள்ளே குதிரை விழும் டும் டும் டும்

குதிரை இப்போ ராஜா மேல டும் டும் டும்
ராஜா மேல குதிரை இப்போ டும் டும் டும்
வால் இப்போ மேலே இருக்கு டும் டும் டும்
வாள் இப்போ கீழே இருக்கு டும் டும் டும்

ராஜாவைப் பார்த்த மந்திரி சிரித்துப் பார்த்தார்
பார்த்தார் சிரித்தார் சிரிப்பாய்ச் சிரித்தார்
ஹ ஹ ஹ ஹ ஹ் ஹ ஹ ஹ ஹ ஹ
ஹஹஹஹஹஹஹஹா மந்திரி சிரித்தார்
வயிறு குலுங்க காடு குலுங்க மந்திரி சிரித்தார்
ஹ் அஹ அஹ அஹ அஹ ஹ ஹ மந்திரி சிரித்தார்

குழியை விட்டு ராஜா வந்தார் டும் டும் டும்
வாள் எடுத்து வேகமா வீசினார் டும் டும் டும்
தனியாய்ப் பறந்தது தலை டும் டும் டும்
பத்தடி பறந்து விழுந்தது தலை டும் டும் டும்
டும் டும் டும் வெட்டு டும் டும் டும்
டும் டும் டும் ஒரே வெட்டு டும் டும் டும்

ஒரு பக்கம் வெள்ளை, ஒரு பக்கம் சேறு
குதிரையைப் பார்த்து சிரித்தான் ராஜா
ஹ ஹ ஹ ஹ ஹ் ஹ ஹ ஹ ஹ ஹ
ஹஹஹஹஹஹஹஹா ராஜா சிரித்தான் பாரு
காடு குலுங்க வயிறு குலுங்க ராஜா சிரித்தான் பாரு
ஹ் அஹ அஹ அஹ அஹ ஹ ஹ ராஜா சிரித்தான் பாரு

பின்னங்காலால் உதைத்தது குதிரை டும் டும் டும்
பத்தடி பறந்து விழுந்தான் ராஜா டும் டும் டும்
மரத்துல முட்டிச்சு ராஜாவோட மண்டை
அவன் இனி போட முடியாது கொண்டை

காட்டுக்குள்ள ராஜா செத்தான் டும் டும் டும்
ராஜா செத்தான் காட்டுக்குள்ள டும் டும் டும்
காட்டுக்குள்ள குதிரை இருக்கு டும் டும் டும்
அந்த காட்டுக்குள்ள புலி இருக்கு டும் டும் டும்
புலி இருக்கும் காட்டுக்குள்ளே டும் டும் டும்
ராஜாவோட குதிரை இருக்கு டும் டும் டும்

நாட்டுக்கு ஒரு நீதி டும் டும் டும்
காட்டுக்கு ஒரு நீதி டும் டும் டும்
வேற வேற நீதி உண்டு டும் டும் டும்