Author: பதாகை

ஒன்றாம் எண் சந்துக்கும்/ Lane Number One

ஒன்றாம் எண் சந்துக்கும்
பிட்சாடனர் சந்நிதிக்கும்
நேர்கோட்டு வழி இருக்கிறது
சிறு குறி உருவப் பால் கொழுக்கட்டை
நிவேதனத் துணையுடன்

ரசம் போய்விட்ட வெண்கல உருளிகளில்
சுயத்தையே படைக்க வந்து கொண்டிருக்கும்
திருப்பூவனத்துப் பொன்னனையாளுக்கும்

ஆலவாய்ச் சித்தருக்கும்
இடையே
கடக்க முடியாத வைகை மணல்

-ந. ஜயபாஸ்கரன்

Connecting Lane Number One
and the shrine of Pitchaadanar
is a straight-line path;

Keeping apart
Ponnanaiyal of Thirupoovanam, who
               under the guise of offering
               sweet dumplings soaked in milk,
               which look like tiny penises
               in bronze bowls that have lost their  silvering,
is on her way to offer up her own self,
from the Ascetic of Alavai, lie
the forbidding sands of vaigai

வாழ்வின் வெயிற்காலம்

  சிகந்தர்வாசி

அறையை விட்டு வெளியேற மறுக்கிறது வெம்மை
நினைவுகள் சுவரில் மோதி மோதி
தீச்சுவாலைகளாய் என்னைத் தாக்குகின்றன

வெப்பத்தைத் தணிய வைக்க
இல்லாத ஒருவர் வரவேண்டும்
சொல்லாத சொல் ஒன்றைச்
சொல்ல வேண்டும்

செய்யாத செயல் நம்மைத் தாக்கும்போது
செய்த நற்செயல்கள்  சாமரம் ஆகி
வெப்பம் தணிக்க வழியேதுமில்லை

மழைச் சாரல் போல் சில்லிடும் நினைவுகள்
எனினும் ஏனோ
வெயில் என் வாழ்வில்

சுடர்களின் மது

நித்ய சைதன்யா

இங்கிருப்பவையெல்லாம்
இங்கிருந்தே தோன்றின
உன்னைப்போல

இச்சையால் உன் கவிச்சி நாடி
நல்லெச்சில் உதிர
பாதச்சுவடுகளை நுகரும் கருநாசி
என்னுடையதாக இருக்கட்டும்

பாய்ந்தோடி தேடிச்சலித்து
காற்றில் நீ இருந்த இருப்பை
சுயஅறிதல் கொண்டு
விரும்பிச் சுமப்பேன்

ஊரெல்லாம்
நீ நீங்கியபின்
உனதென்றாயிற்று
உருவெல்லாம்
உன் மறைவால்
உன்னெழிலாயிற்று

ஒவ்வொன்றை அறியும் தோறும்
ஒவ்வொன்றிலும்
இருக்கிறாய்
இருக்கக் காண்கிறேன்
இருப்பதான நாதமீட்டலில்
சுழன்றாடி தன்னிலை இழக்கிறேன்

சிந்தை தனில் பற்றித்துடிக்கும்
தீச்சுடர் நீ

ஆடா நின்ற அச்சுடரின்
ஒளிப்பிம்பம் உனது

உன் மூச்சே
சுடரின் வெம்மை

சுடர்களின் மது
நீ

A Sangam Heroine in Boston

boston

(After Kovatattan & A.K.Ramanujan)

These spindly pine trees
are cunning:

the cessation of winter
that he spoke of
when he went through security
at the airport
is not yet here

though these trees
taking advantage of the untimely snow
have put out
long arrangements of jasmine buds
on their twigs

as if for a magical spring.

கூர்ந்து வாசித்தல்

– பெருந்தேவி –

சில வண்ணத்திப்பூச்சிகள்
ஹோஸ் பைப்களில்
பூக்களிலிருந்து
தேனைக் குடிக்கின்றன
வண்ணங்களைப் பார்க்கையில்
இதைத்
தவறவிடக்கூடாது